النادي الأهلي بطل أفريقيا تاني و تالت و رابع و خامس

عدد الرسائل : 208 تاريخ التسجيل : 03/04/2007

النادي الأهلي بطل أفريقيا تاني و تالت و رابع و خامس
مش عارفة كالعادة أبدأ منين
من جوزيه الساحر
ولا ابو تريكة الفنان
ولا فلافيو المتحدي
ولا قناوي اللي اثبت لي انه شديد صح
ولا الصفاقسي العنيف المغرور
كانت ليلة من العمر بجد
كانت احلى هدية للغلابة اللي اعصابهم نشفت 92 دقيقة
كانت احلى هدية لحبيبنا كلنا و فقيدنا كلنا عبد الوهاب اللي بأعتبره انه كان اللاعب نمرة 12 في الفريق
ربنا يخليك يا أهلي ياللي وريتنا لمحة نور و فرحة في دنيا ضلمة و كحل

Posted by ladyde at 5:14 AM [ندعوك للتسجيل في المنتدى أو التعريف بنفسك لمعاينة هذه الصورة]

1 comments:

Anonymous said...

الحمد لله اللي وفق تريكة للهدف القاتل في مرمى الصفاقسي..

دايماً رصيدنا كأهلوية قليل في أهداف الثواني الأخيرة اللي خسرنا بسببها بطولات ومباريات ونقاط مهمة في النشاط المحلي وفي أفريقيا.. مرة من نفسي أشوف السيناريو دة ..

جوزيه حفر اسمه بين مدربي الأهلي على مر العصور .. وفلافيو حكاية لوحده .. الراجل تعرض لنحس عنيف لمدة سنة كاملة بس بيثبت وجوده .. كنت من أعنف منتقدي هذا الفلافيو ، لكنه بإصراره واجتهاده يستحق الاحترام.. وأصبحت مطالبة جماهير المنافسين بنزوله على سبيل السخرية أكبر خطأ ممكن يرتكبوه في حياتهم